3. september 2010 12:17

Göngur og réttir á næsta leiti

Í næstu viku, nánar tiltekið miðvikudaginn 8. september, hefjast göngur í Hörgársveit þetta haustið. Þá munu Hörgdælingar smala fram-Hörgárdal að austan og síðan heldur smalamennskan áfram fram á sunnudag, þá lýkur 1. göngum. Heildarfjárfjöldi sem dagsverkum er jafnað niður á í sveitarfélaginu eru 6.542 kindur, sem er svipaður fjöldi og í fyrra, en þó heldur fleiri. Álögð dagsverk eru alls 468, þannig að 14 kindur eru fyrir hvert dagverk.

Réttir eftir 1. göngur í Hörgársveit í haust eru sem hér segir: Staðarbakkarétt, föstudag 10. september kl. 10, Reistarárrétt, Þorvaldsdalsrétt og Þórustaðarétt síðdegis 11. september og Þverárrétt 13. september kl. 10. Nánar má lesa um þetta í fjallskilaboðum (gangnaseðlum) fjallskiladeildanna hér á heimasíðunni, smelltu fyrst hér.

26. júlí 2010 08:33

Sæludagur í sveitinni á laugardaginn

Næsta laugardag, 31. júlí, verður Sæludagur í Hörgársveitinni. Frá klukkan 11 um morguninn fram að miðnætti verður þétt og fjölbreytt dagskrá um alla sveit. Hún hefst á Möðruvöllum þar sem m.a. verður keppt í "sveita-fitness". Frá klukkan 15 verður svo dagskrá á Hjalteyri, þar sem m.a. ýmis nýstárleg keppni fer fram. Þar lýkur dagskránni með dansleik í fiskverkunarhúsinu. Aðrir staðir sem koma við sögu á Sæludeginum eru: Syðri-Reistará, Fornhagi, Hraun, Ytri-Brennihóll og Arnarnes. Dagskrána í heild má lesa með því að smella hér.

12. júlí 2010 10:56

Göngur í Hörgársveit haustið 2010

Á fundi sínum 5. júlí sl. samþykkti fjallskilanefnd eftirfarandi tillögu:

„Ákveðið var að höfðu samráði við fjallskilastjóra nágrannasveitarfélaga að flýta göngum í Hörgársveit um eina viku, frá þeim tíma sem mælt er fyrir um í fjallskilasamþykkt. Fyrstu göngur verða því í Hörgársveit, frá miðvikudeginum 8. september til sunnudagsins 12. september. Aðrar göngur verði svo viku síðar.“

8. júlí 2010 12:08

Nýtt fyrirkomulag sorphirðu

5. júlí 2010 15:59

Guðmundur ráðinn sveitarstjóri

Á fundi sveitarstjórnar Hörgársveitar 30. júní sl. var Guðmundur Sigvaldason ráðinn sveitarstjóri í Hörgársveit á nýbyrjuðu kjörtímabili. Hann varð sveitarstjóri í Hörgárbyggð á síðasta kjörtímabili. Þá var hann sveitarstjóri á Stokkseyri og Skagaströnd á árunum 1983-1990.

22. júní 2010 16:34

Heimasíða fyrir menningar- og sögutengda starfsemi

Sl. föstudag opnaði Kristján L. Möller, samgöngu- og sveitarstjórnarráðherra, sameiginlegan vef  menningar- og sögutengdrar starfsemi í Hörgársvæðinu. Vefföngin eru www.visithorga.is og www.horga.is.

Markmiðið með vefnum er koma á framfæri þeirri gróskumiklu starfsemi sem er á þessu sviði á svæðinu. Þar eru mjög margir sögustaðir, s.s. Gásir, Möðruvellir og Hraun í Öxnadal. Á öllum þessum stöðum hefur verið sett á fót starfsemi sem byggist á þeim menningararfi sem um er að ræða á hverjum stað.

Þá er á Hörgársvæðinu rekin öflug listastarfsemi, m.a. í menningarmiðstöðinni Verksmiðjunni á Hjalteyri og á vegum Leikfélags Hörgdæla. Á svæðinu eru tvö vel búin félagsheimili, Hlíðarbær og Melar, og síðast en ekki síst er þar geysivinsæl sundlaug, Jónasarlaug á Þelmörk. 

Eftirtaldir 14 aðilar standa að vefnum:

Amtsmannssetrið Möðruvöllum

Ferðafélagið Hörgur

Freyjulundur, vinnustofa

Gásakaupstaður

Íþróttamiðstöðin á Þelamörk

Hlíðarbær, félagsheimili

Hraun í Öxnadal

Kirkjukórinn

Melar, félagsheimili

Leikfélag Hörgdæla

Stóri-Dunhagi, opinn landbúnaður

Sæludagur í sveitinni, sveitarhátíð

Verksmiðjan, sýningarsalur og menningarmiðstöð

Veiðifélag Hörgár

18. júní 2010 18:57

Hörgársveit er heitið á sveitarfélaginu

Í dag var fyrsti fundur í sveitarstjórn sameinaðs sveitarfélags Hörgárbyggðar og Arnarneshrepps. Þar var ákveðið að sveitarfélagið skyldi heita Hörgársveit.

Á fundinum var Hanna Rósa Sveinsdóttir kosin oddviti sveitarstjórnar og Axel Grettisson varaoddviti.

Fundurinn hófst með ávarpi samgöngu- og sveitarstjórnarráðherra, Kristjáns L. Möller. Hann lýsti ánægju sinni með sameiningu sveitarfélaganna og óskaði nýju sveitarfélagi velfarnaðar í framtíðinni.

Á myndinni er sveitarstjórnin ásamt ráðherranum, f.v.: Kristján L. Möller, Hanna Rósa Sveinsdóttir, Sunna Hlín Jóhannesdóttur, Helgi Bjarni Steinsson, Axel Grettisson, Helgi Þór Helgason.

16. júní 2010 15:51

Úrslit kosninganna til sveitarstjórnar liggja fyrir

Kjörnefnd, sem skipuð af sýslumanninum á Akureyri, til að úrskurða um tvö vafaatkvæði í sveitarstjórnarkosningunum í sameinuðu sveitarfélagi Arnarneshrepps og Hörgárbyggðar 29. maí sl. kvað í dag þann úrskurð að þau skuli vera gild. Það þýðir að þau úrslit kosninganna sem kynnt voru strax eftir kosningarnar standa óbreytt.

15. júní 2010 11:08

Þóra Björk Íslandsmeistari

14. júní 2010 12:34

Sameining Arnarneshrepps og Hörgárbyggðar hefur tekið gildi

11. júní 2010 15:11

Leikskólinn Álfasteinn 15 ára

8. júní 2010 11:23

Vinnuskólinn byrjaður

29. maí 2010 23:52

Úrslit kosninga til sveitarstjórnar

28. maí 2010 11:30

Kosið til sveitarstjórnar

25. maí 2010 14:50

Grænfáninn á leið í Þelamerkurskóla

20. maí 2010 11:46

Um nafn á sameinað sveitarfélag

19. maí 2010 13:11

Flott útiskólasvæði Þelamerkurskóla

10. maí 2010 14:04

Tveir framboðslistar

4. maí 2010 15:55

Vinnuskólinn í sumar

16. apríl 2010 14:58

Hvað á sveitarfélagið að heita?

8. apríl 2010 14:00

Síðasta sýning á "Lífið liggur við!"

24. mars 2010 10:26

Árshátíð Þelamerkurskóla

22. mars 2010 21:26

Fyrirhugaðar aðalskipulagsbreytingar

20. mars 2010 21:03

Sameining Arnarneshrepps og Hörgárbyggðar samþykkt

eldri fréttir